Öryggismyndavélar við Hraunvallaskóla

Stafrænar öryggismyndavélar eru uppsettar á skólanum. Um er að ræða öryggismyndavélar sem eru staðsettar utanhúss og í einhverjum tilfellum innanhús við innganga skólans og á opnum göngum innan skólans í almannarými á efri hæð á unglingagangi við neyðarútgang. Í því felst rafræn vöktun á skólabyggingunni og skólalóðinni sem er gert í þágu öryggis og í þeim tilgangi að varna því að eigur séu þar skemmdar eða þeim stolið.

Myndefni verður einungis skoðað ef upp koma atvik er varða eignavörslu eða öryggi einstaklinga, s.s. þjófnaður, skemmdarverk eða slys. Heimild til skoðunar er aðgangsstýrð en myndefni er vistað að hámarki í 30 daga og því er eytt að þeim tíma loknum. Vöktunin er útfærð í samræmi við lög nr. 90/2018 um persónuvernd og meðferð persónuupplýsinga. Merkingar með viðvörunum um rafræna vöktun eru uppsettar á hinum vöktuðu svæðum.

Til kynningar og nánari fræðslu varðandi eftirlitið sem hér um ræðir skal bent á reglur Hafnarfjarðarbæjar um rafræna vöktun öryggismyndavéla sem taka til þessarar vöktunar:

· Reglur Hafnarfjarðarkaupstaðar um rafræna vöktunöryggismyndavéla.

Einnig er bent á að almennar upplýsingar um rafræna vöktun ásamt leiðbeiningum er að finna í bæklingi á vef persónuverndar þar sem hægt er að fá frekari upplýsingar um viðfangsefnið:

· Leiðbeiningar Persónuverndar um rafræna vöktun.