27. maí er samtalsdagur
27. maí er samtalsdagur. Þá mæta nemendur með foreldrum sínum í viðtal til umsjónarkennara
Þriðjudaginn 27. maí er samtalsdagur í Hraunvallaskóla og eru kennarar til viðtals frá 8:10 – 12:30 að undanskildum kaffitíma frá kl. 9:30 – 9:50. Foreldrar mæta með barni sínu á umræddu tímabili þegar þeirkjósa og því er ekki um hefðbundnar tímapantanir að ræða í þetta skiptið. Foreldrar geta pantað einkaviðtal við kennara eftir kl. 13.00 kjósi þeir það frekar. Við minnum jafnframt á að stjórnendur eru einnig til viðtals.
Umsjónarkennarar verða til viðtals á heimasvæðum, sérkennarar á heimasvæðum og í Keili, íþróttakennarar í íþróttasal, list- og verkgreinakennarar á sínum kennslusvæðum. Kennarar í unglingadeild og Tedda verða öll til viðtals á sama kennslusvæðinu sem er nýbreytni í ár. Við hvetjum foreldra og nemendur til að líta við hjá öllum kennurum og bendum á að djús og kaffi er í boði í matsalnum.
Bókasafnið verður að sjálfsögðu galopið og verður ýmislegt hægt að skoða og gera þar líkt og skákþrautir og bókmenntagetraun.
Jafnframt minnum við ykkur á að fara vel í gegnum óskilafatnað sem hefur safnast upp í miklum mæli hjá okkur.
Hér er gátlisti sem gott er að hafa til hliðsjónar fyrir samtalsdaginn