Gagnlegar aðferðir sem auka vellíðan, hamingju og gleði
Fyrirlestur í Víðistaðakirkju mánudaginn 6. febrúar frá kl. 20-21.
Hafnarfjarðarbær og foreldraráð leik- og grunnskóla Hafnarfjarðar bjóða til fyrirlestrar í samstarfi við Hugarfrelsi um kvíða barna og unglinga og aðferðir sem reynst hafa vel. Fyrirlesturinn verður haldinn í Víðistaðakirkju mánudaginn 6. febrúar frá kl. 20-21. Hrafnhildur Sigurðardóttir og Unnur Arna Jónsdóttir frá Hugarfrelsi kynna einfaldar og gagnlegar aðferðir sem foreldrar geta nýtt með börnum sínum til að auka vellíðan, hamingju og gleði. Aðferðirnar hafa reynst börnum og unglingum vel til að koma auga á styrkleika sína, efla sjálfsmyndina og jákvæða hugsun. Aðferðirnar hjálpa þeim sem eiga erfitt með einbeitingu, svefn, eru kvíðin og óörugg.
Erindi þeirra byggir á bókunum: 1) Hugarfrelsi - aðferðir til að efla börn og
unglinga, 2) Hugarfrelsi - kennsluleiðbeiningar og 3) Siggi og Sigrún slaka á.
Hrafnhildur og Unnur hafa undir nafninu Hugarfrelsi gefið út fjölbreytt efni
til að bæta andlega og líkamlega líðan. Þær hafa einnig staðið fyrir fjölmörgum
fyrirlestrum og námskeiðum fyrir börn, foreldra og fagfólk þar sem áhersla er
lögð á sjálfsstyrkingu, öndun, slökun og hugleiðslu. Aðferðir Hugarfrelsis hafa
verið innleiddar í fjölda leik-, grunn- og framhaldsskóla.
Kvíði og birtingarmyndir hans:
Paola Cardenas sálfræðingur og fjölskylduþerapisti hjá Barnahúsi fer yfir kvíða
og birtingarmynd hans hjá börnum og unglingum og hvaða atriði gott er að vera
meðvitaður um þegar kvíðaeinkenni gera vart við sig. Paola Cardenas hefur
fengið sérhæfða þjálfun í viðtalstækni (Forensic Interviewing) og í notkun
áfallamiðaðrar hugrænnar atferlismeðferðar (TF CBT). Í dag starfar Paola sem
sálfræðingur og sérhæfður rannsakandi í Barnahúsi þar sem hún vinnur með börnum
og unglingum og fjölskyldum þeirra. Áður vann Paola hjá Heilbrigðisstofnun
Suðurnesja sem yfirsálfræðingur teymis sem sinnir börnum og unglingum. Hún
hefur einnig starfað á barna og unglingageðdeild Landspítalans og hjá Rauða
kross Íslands.
Fyrirlesturinn er öllum opinn og aðgangur ókeypis!
Mikilvægt er að foreldrar fari inn á eftirfarandi fésbókarsíðu og staðfesti
mætingu á viðburðinn.
www.facebook.com/events/450699418653284/
#hugarfrelsi #lesturerlífsinsleikur #hafnarfjörður
#áframhafnarfjörður#heilsubærinnhafnarfjörður
- Eldri færsla
- Nýrri færsla