Orðaþrenna
Orðaþrenna vikunnar er nýtt verkefni í skólanum og er tilgangur þess að auðga orðaforða nemenda og efla lesskilning. Þrjú orð eru tekin fyrir vikulega og taka kennarar og starfsmenn skólans þátt í að nota þessi orð sumir munnlega og aðrir skriflega. Að viku liðinni eru ný orð valin og svo koll af kolli. Orðin eiga það sameiginlegt að að heyrast ekki oft í daglegu tali en eru algeng í lesmáli og einkenna tal þroskaðra málnotenda.
Við hvetjum foreldra og forráðamenn til að taka þátt í verkefninu með okkur en góður orðaforði er lykillinn að lesskilningi og farsælu námsgengi.
Sum orðin hafa margræða merkingu og geta skapað skemmtilegar umræður og stemningu.
Orðaþrenna vikunnar 18.-24. apríl er: Síðdegi, hnugginn og dýrindis-
Síðdegi (tímabilið á milli kl. 13:00 og 18:00).
Sólarhringur skiptist í:
- nótt (kl. 0-5)
- morgun (kl. 5-12)
- hádegi (kl.12-13)
- eftirmiðdag eða síðdegi (kl.13-18)
- kvöld (kl. 18-24)
Hnugginn (Sorgbitinn, dapur).
Dýrindis- (Forliður samsetninga um dýrmæta hluti > dýrindisbók, dýrindiskápa). Önnur þekkt orð eru: dýrindisveður, dýrindisveisla, dýrindisdjásn, dýrindisdrykkur, dýrindislifnaður o.fl.
Dæmi um notkun:
Foreldra geta til dæmis:
- Sent SMS:
„Ég hringi í þig síðdegis og við ákveðum hvaða dýrindismat við eldum í kvöld.
Kveðja pabbi .“
Skrifað skilaboð á kæliskápinn:
„Ekki vera hnugginn yfir veðrinu því það er dýrindisveðri spáð umhelgina.
Kveðja mamma .“
Jafnvel stungið miða í nestisboxið:
„Dýrindisdrykkur og ávextir í nesti. Verði þér að góðu :) “
- Eldri færsla
- Nýrri færsla