Grunnskóli í Skarðshlíð
Kynningarfundur í Hraunvallaskóla þriðjudaginn 17. maí 2016 kl. 19.30
Bæjaryfirvöld í Hafnarfirði boða til kynningarfundar um málefni nýs grunnskóla á Völlunum í Hafnarfirði sem verður staðsettur í Skarðshlíð. Gert er ráð fyrir að skólinn hefji störf haustið 2017 fyrir nemendur í 1.-4. bekk og sé fyrir nemendur innst á Völlunum og í væntanlegri íbúðabyggð í Skarðshlíð. Á fundinum verður kynnt uppbygging á Völlunum (íbúafjöldi og grunnskólanemendur), staðsetning og byggingaráform fyrir nýja grunnskólann í Skarðshlíð og væntanlegar áherslur í skólastarfi nýja skólans. Á fundinum verður þess vænst að heyra sjónarmið íbúa á Völlum til nýs skóla og fá viðbrögð við áætlunum sem bæjaryfirvöld munu kynna á fundinum. Fundurinn er opinn öllum sem láta sig málið varða. Með von um að sjá sem flesta á fundinum.
Stýri-/starfshópur á vegum fræðsluráðs Hafnarfjarðar
Fræðslu- og frístundaþjónusta Hafnarfjarðar - Skólaskrifstofa Hafnarfjarðar
Umhverfis- og skipulagsþjónusta Hafnarfjarðar
- Eldri færsla
- Nýrri færsla