Ólympíuhlaup ÍSÍ 2020
Ólympíuhlaup ÍSÍ 2020
Það voru hressir og brosandi krakkar sem tóku þátt í árlegu Ólympíuhlaupi ÍSÍ í gær þriðjudaginn 22. september. Nemendur létu blautt veður ekki á sig fá og hlupu eða gengu vasklega merktan hring um skólahverfið. Allir nemendur fóru í það minnsta einn hring og margir kusu að fara fleiri. Eftir því sem leið á hlaupið batnaði líka veðrið og allir komu glaðir aftur í hús til að halda áfram með verkefnin sín.
