Hraunvallaskóli

Í eitt skiptið enn, og ólíklega það síðasta, þurfum við að kynna ykkur breytingar á framkvæmd grunnskólastarfs í Hafnarfirði á þessu skólaári. Þessar breytingar sem um ræðir taka gildi mánudaginn 23. nóvember og gilda til og með 1. desember nk. Við nýjar breytingar leggjum við áherslu á að stíga varlega til jarðar og fara ekki í aðgerðir eða breytingar sem vanvirða sóttvarnareglur heilbrigðisyfirvalda eða setja skólastarfið á hliðina þannig að ekki sé hægt sé að halda úti föstu skólastarfi fyrir alla nemendur á hverjum skóladegi. Við biðjum um þolinmæði gagnvart þessum breytingum en leggjum um leið áherslu á mikilvægi þess að samstaða og samvinna sé um framkvæmdina – sem er samræmd fyrir grunnskóla Hafnarfjarðar. 

Sjá nánar hér.......

Til foreldra og starfsmanna í grunnskólum Hafnarfjarðar.

Enn hafa verið boðaðar breytingar á reglugerð sem snúa að starfi grunnskóla sökum nýrra sóttvarnarreglna. Staðan er hins vegar óljós þar sem skólar hafa ekki fengið staðfestar upplýsingar um í hverju breytingarnar felast.

Þess vegna hefur verið tekin sú ákvörðun að skólastarf í grunnskólum Hafnarfjarðar á morgun, miðvikudag 18. nóvember og fram að helgi, verði óbreytt frá því sem nú er. Þó hefur verið ákveðið að setja inn eina breytingu sem sérstaklega hefur verið boðuð af sóttvarnalækni, þ.e. að aflétta grímuskyldu hjá nemendum og starfsfólki í 5.-7. bekkjum og gera hana valfrjálsa. Sömuleiðis viljum við einnig benda á að akstur frístundabílsins frá frístundaheimilum á íþróttaæfingar er EKKI hafinn svo þeir foreldrar sem eiga börn í 1.-4. bekk og vilja senda börn sín á íþróttaæfingar í þessari viku verða sjálf að koma börnum sínum á æfingar.

Þetta gildir uns nýjar breytingar á sóttvarnareglum verða komnar fram og grunnskólarnir fengið tækifæri að koma þeim í framkvæmd. Þegar það verður ljóst mun nýr póstur koma til ykkar um málið.

Skrifstofa mennta- og lýðheilsusviðs Hafnarfjarðar.