Jákvæðar niðurstöður nemendakönnunar Skólapúlsins í Hraunvallaskóla

17.12.2019

Niðurstöður mælinga Skólapúlsins, sem af er ári, staðfesta enn og aftur að nemendum líður vel í Hraunvallaskóla. Í 8 af 18 matsþáttum eru niðurstöður marktækt jákvæðari en landsmeðaltal. Niðurstöður annarra þátta eru innan meðaltals. Enginn þáttur er marktækt undir meðaltali. Í 15 af 18 matsþáttum eru tölur enn jákvæðari en á síðasta skólaári. Þeir þættir sem voru einnig mældir og eru innan meðaltals eru ánægja af lestri, þrautseigja í námi, áhugi á stærðfræði, ánægja af náttúrufræði, tíðni eineltis, tíðni hreyfingar, hollt matarræði, agi í tímum, virk þátttaka nemenda í tímum og tíðni leiðsagnarmats.

Matsþættir	HRVS	Landið	Munur
Trú á eigin vinnubrögðum í námi	5,5	4,9	0,6
Trú á eigin námsgetu	5,3	4,8	0,5
Sjálfsálit	5,2	4,6	0,6
Stjórn á eigin lífi	5,0	4,6	0,4
Einelti	4,9	5,3	-0,4
Samsömun við nemendahópinn	5,4	5,1	0,3
Samband nemenda við kennara	5,7	5,0	0,7

Þeir þættir sem voru einnig mældir og eru innan meðaltals eru ánægja af lestri, þrautseigja í námi, áhugi á stærðfræði, ánægja af náttúrufræði, tíðni eineltis, tíðni hreyfingar, hollt matarræði, agi í tímum, virk þátttaka nemenda í tímum og tíðni leiðsagnarmats.

Nemendakönnun Skólapúlsins er fyrir nemendur í 6. -10. bekk og er spurningalisti lagður fyrir úrtak nemenda í hverjum mánuði. Spurt er út í virkni, liðan og skóla- og bekkjarandi. Spurningalistinn er á sjö tungumálum.