Nemendum líður vel í Hraunvallaskóla

15.2.2019

Það er gaman að segja frá því að samkvæmt niðurstöðum mælinga í Skólapúlsinum þá líður nemendum vel í Hraunvallaskóla. Einelti mælist marktækt undir landsmeðaltali og samband nemenda og kennara er traust og gott.  Niðurstöður eru almennt mjög jákvæðar og marktækur jákvæður munur er á eftirfarandi matsþáttum:

• Þrautseigja í námi
• Trú á eigin vinnubrögð í námi
• Trú á eigin námsgetu
• Sjálfsálit
• Stjórn á eigin lífi
• Einelti
• Samsvörun við nemendahópinn
• Samband nemenda við kennara

Nemendur upplifa einnig að þeir séu virkir í tímum, þeim líður vel, borða hollt og finnst vera agi í kennslustundum. Það sem mælist undir meðaltali (ekki marktækur munur) er ánægja af lestri og náttúrufræði.

Hér má sjá samanburð á niðurstöðum mælinga frá því í október og janúar.

Skýringar: Hátt gildi á kvarða sýnir að viðkomandi þáttur er sterkt einkenni nemenda í skólanum. Sem viðmiðunarregla er munur á staðalníukvarða uppá 0,5 stig ekki mikill munur, munur uppá 1,0 stig telst töluverður munur og munur uppá 1,5 stig og meira telst mikill munur. Túlkun á mikilvægi munarins fer eftir efni og dreifingu hvers matsþáttar fyrir sig.