Söngvaseiður í Hraunvallaskóla
Undanfarin ár hefur verið settur upp söngleikur í söngleikjavali og er það sannarlega einn af hápunktum ársins. Síðustu helgi sýndu nemendur söngleikinn Söngvaseið, eða Sound of music. Hátt í 300 manns komu á sýninguna sem var vel heppnuð og krakkarnir stóðu sig frábærlega. Það er ekki auðvelt að setja upp svona stórt verk en við notuðum sama handrit og notað var í Þjóðleikhúsinu. Þökkum við öllum sem komu og óskum við krökkunum til hamingju með þetta vel heppnaða verkefni.
