Frábærum fjölgreindaleikum lokið
Dagana 24. - 26. mars voru Fjölgreindaleikar Hraunvallaskóla haldnir. Nemendum var skipt í hópa þvert á aldur og flökkuðu hóparnir á milli fjölda stöðva í þrjá daga. Á hverri stöð beið þeirra nýtt og spennandi verkefni. Í ár var boðið upp á þeirri nýbreytni að nemendur gátu valið að vera í sérverkefnum. Þeir nemendur unnu þá að sama verkefninu alla þrjá dagana. Meðal verkefna sem sérhóparnir voru í var að æfa leikrit, stofna hljómsveit, vinna að listaverki í tilefni 10 ára afmælis skólans, búa til myndbönd og gera auglýsingar fyrir afmælishátíð skólans.
Í morgun var svo haldin tvískipt samvera á sal skólans þar sem hljómsveitin spilaði fjögur lög, dansaður var dans sem allir lærðu í þemavikunni og leiklistarhópurinn sýndi Grease á 10 mínútum. Frábær dagur í alla staði.
Með því að smella hér má sjá stop-motion myndbönd sem unnin voru á einni stöðinni á fjölgreindaleikunum.
Og með því að smella hér má sjá myndband frá samverunni í morgun.
- Eldri færsla
- Nýrri færsla